Ditën e sotme Kreu i Këshillit Kombëtar të Partisë Demokratike Edi Paloka është shprehur i sigurtë se pakti i nënshkruar mes kryedemokratit Sali Berisha dhe kreut të Partisë së Lirisë, Ilir Meta do të sjellë fitoren e Opozitës. I ftuar në emisionin “Kjo javë”, Paloka u shpreh se koalicioni i tyre do të sjellë fitore. Referuar mbështetësve të Enkelejd Alibeajt në PD, Paloka tha se e konsideron absurde faktin që disa prej demokratëve nuk kërkojnë fiore.
“Kemi qenë në aleancë me LSI edhe në zgjedhjet e fundit por marrëveshje të nënshkruar dhe bashkëpunimi Meta-Berisha, sa herë kanë bashkëpunuar e kanë çuar koalicionin në fitore. Ky është qëllimi i marrëveshjes. Pjesa më e madhe e shohin si rrezik këtë marrëveshje e ka pakënaqësi edhe brenda pjesës tjetër të deputetëve të PD. Duket absurde që deputetë të PD nuk duan fitoren e PD. Ka një qëllim kryesor marrëveshja, përmbysja e një regjimi që tashmë sundon mbi gjithçka Rama e Veliaj në anën tjetër si figurë politike e renditur e dyta në PS, kanë praktikisht në dorë të gjithë pushtetet. reagimi popullor ndaj tyre, janë figurat më negative e të pa pëlqyera në opinionin publik. Në pamje të parë duket se përballja do të jetë e lehtë sepse janë figura që urrehen, por nuk është e lehtë sa duket. Është i nevojshëm bashkëpunimi me partitë dhe individët opozitarë”. i pyetur për simbolikën me dy gishtat lart, gjest të cilin së fundmi po e përdor edhe Ilir Meta, Paloka tha se mendon që lkjo nuk sdimbolizon gjë tjetër veç simbolikës së saj fillestare, pra fitores. Simbol i fitores. Çërçilli është i pari që i përdori me këtë simbol. Që kur e bëmë si simbolin tonë, kjo ka qenë simbolika. Fakti që i përdor edhe Meta tregon se dëshiron të tregojë lidhje të fortë,”- tha ai.
Bashkëpunimi me Partinë e Lirisë është konkretizuar me një marrëveshje të shkruar që përfshin edhe koalicionin në procesin e zgjedhjeve lokale të 14 majit 2023. Partia e Lirisë do të marrë kandidatin për kryetar të Këshillit Bashkiak të Tiranës ndërsa PD do të ketë emrin e kandidatit për kryetar bashkie.
