Kryetari i Partisë Demokratike, Lulzim Bash dhe kryetarja e LSI, monika Kryemadhi kanë folur pas nënshkrimit të marrëveshjes për zgjedhjet e 25 prillit. Basha ka thënë se tashmë është çasti për bashkim dhe për ndryshim. Ai është shprehur se dy paritët duhet të shkojnë shtëpi më shtëpi në mënyrë që të garantojnë fitoren në zgjedhje.
“Gjatë javëve të fundit kam prezantuar planet tona të punës në të gjitha drejtimet. Për ekonominë, arsimin, turizmin, shëndetësinë, dhe luftën dhe krimin e organizuar. Me këtë ndryshim fillon ndryshimi, fitin Shqipëria. Këto janë plane pune që do të ndryshojnë jetën e gjithsecilit prej jush. Ka ardhur çasti që të bashkohemi. Të shkojmë shtëpi më shtëpi, rrugë me rrugë dhe të garantojmë fitoren e 25 prillit, fitoren e zgjedhjeve”, ka thënë Basha.
Nga ana tjetër Kryemadhi e ka cilësuar si ditë historike këtë të sotmen për LSI dhe PD. Ajo ka thënë se bashkimi përballë një sekti criminal është i domosdoshëm për shqiptarët.
“Sot është një ditë historike do ta quaja për LSI, dhe PD. Por më e rëndësishme do të ishte për të gjithë shqiptarët. Pasi bashkimi dhe konsolidimi i një koalicioni përballë një sekti kriminal dot ë jetë i domosdoshëm për shqiptarët. Sot LSI dhe PD janë bërë bashkë si aleatë kundër dështimeve të qeverise Rama. Sot dakordësohemi për të bashkuar forcat në shërbim të shqiptarëve. Partneriteti ynë tregon qartë se ndryshimi po vjen. Ditë më të mira ka për shqiptarët dhe për të gjithë kudo ku jetojnë”, ka thënë kryetarja e LSI.
