Marrëveshja e Prespës me Maqedoninë është një kafshatë që grekët nuk janë duke e përtypur mirë. Këtë herë është lideri i partisë opozitare Demokracia e Re, Kirjakos Micotakis i cili ka thënë se Cipras do përgjigjet para popullit dhe historisë për këtë akt të bërë.
Nëpërmjet një postimi në rrjetin e tij social, Twitter, Micotakis ka thënë se kjo marrëveshje ka shkelur linat kombëtare të vendit.
“Në vend që të marrim erga omnes emër të përbërë, japim erga omnes identitet dhe gjuhë maqedonase. Është koha që deputetët të ndërmarrin përgjegjësi dhe të vendosin: do të thonë “PO” atje ku gjashtë kryeministra kanë thënë “JO”?”- ka shkruar Micotakis në Tëitter.
Bashkë me fjalët ai ka shpërndarë edhe një video nga fjalim i tij në Kongresin e 12-të të Demokracisë së Re më 14 dhjetor të vitit të kaluar.
“Jeni i detyruar, Cipras të përgjigjeni jo vetëm para maqeonasve dhe i të gjithë popullit grek, por edhe para historisë” – ka paralajmëruar Micotakis kryeministrin grek.
