Në Maqedonin e Veriut është organizuar një protestë gjatë ditës së sotme, e cila filloi pas deklaratës së Stevo Pandarovski për amnistinë e të dënuarve të “27 prillit”.
Këshilli Organizativ i Protestave i ka bërë thirrje presidentit të shtetit të mos i mbrojë pasi ata janë “terrorist” dhe shteti iu ka dalë në mbrojtje. Ata pretendojnë se kjo gjë bie në kundërshti me parimet e demokracisë. Ndër të tjera ata kanë shtuar se Presidenti ka shkelur betimin e tij dhe po mbështet vetëm palën maqedonase.
“Sot jemi mbledhur para presidencës por hasëm në një kordon policorë. U mblodhëm për të reaguar kundër deklaratës së Presidentit Stevo Pendarobski, sipas të cilit të dënuarve të 27-prillit duhet tu hiqet termi ‘terrorist’. Presidenti ka shkelur betimin e tij dhe po u sherben vetëm palës maqedonase.Pse asnjëherë nuk I komenton rastet e monitoruara polituke ndaj shqiptareve? Jemi mbledhur ti bëjëm thirrje Pandarovskit që të mos mbrojë terroristët sepse demokracia nuk e lejon një gjë të tillë” – tha një nga protestuesit.
Më 27 prill të vitit 2017 ndodhi një nga ngjarjet më të dhunshme në Kuvendin e Maqedonisë. Gjatë sulmit të kuvendit nga një grup i madh protestuesit që kundërshtonin zgjedhjen e Talat Xhaferit për kryetar të këtij institucioni, por edhe ndërrimin e pushtetit, ishin plagosur rëndë kryetari i Aleancës për Shqiptarët Ziadin Sela, të cilët sulmuesit e kishin lënë për të vdekur, kreu i LSDM-së, Zoran Zaev, deputetja Radmilla Sheqerinska dhe shumë persona tjerë.
