Me shtimin e rasteve nga COVID-19, Maqedonia e Veriut do të marrë masa për shtetet fqinje apo të rajonit që po kalojnë një situatë po të përkeqësuar nga pandemia.
Komisioni për Sëmundjet Infektive i ka propozuar qeverisë që të marrë masa me testime kundër koronavirusit për shtetasit e Kosovës, Serbisë, Bosnjës dhe Mali të Zi, duke përjashtuar Shqipërinë.
Propozimi konsiston në dorëzimin e një testi PCR negativ nga qytetarët që vijnë nga këto shtete. Qytetarët duhet të posedojnë një test me rezultat negativ për Covid-19, i cili është marrë brenda 24 orëve të fundit.
Ndërkohë 163 të infektuar janë regjistruar në 24 orët e fundit në Maqedoninë e Veriut si dhe 8 viktima. Shifra këto më të larta se sa ditët e kaluara të korrikut.Por sot u shënua numri rekord i të shëruarve nga COVID-19, 230 brenda 24 orëve si asnjëherë më parë.Shkupi vijon të shënojë rritje të rasteve me 126, bashkë me Tetovën 45 dhe Kumanovës 31, kurse qytetet e tjera shkojnë jo më shumë se 10.
Në Maqedoninë e Veriut që nga fillimi i pandemisë janë regjistruar 7406 persona të diagnostifikuar me Covid-19, prej të cilëve 3554 janë shëruar, kurse 359 persona kanë humbur betejën me koronavirusin. Për momentin në territor 3493 raste janë ende aktive me Covid-19.
