Ministria e Shëndetësisë e Maqedonisë së Veriut raportoi se nga gjithsej 2.993 teste për virusin korona gjatë 24 orëve të fundit, 1.120 persona kanë rezultuar pozitiv, betejën me virusin e kanë humbur 28 persona ndërsa janë shëruar 916 pacientë.
Numri i përgjithshëm i personave të diagnostikuar me Kovid-19 nga fillimi i pandemisë në Maqedoninë e Veriut është 69452, nga këta janë shëruar gjithsej 45621 ndërkaq 1977 prej tyre kanë humbur betejën me virusin, aktualisht ka 21854 raste aktive në vend. Prej fillimit të pandemisë në Maqedoninë e Veriut janë realizuar 352 735 testime.
