Të ndodhur vetëm pak javë larg zhgjedhjeve elektorale të 25 prillit, Presidenti i vendit Ilir Meta ka hedhur dyshime të forta se edhe këto zgjedhje nuk do të jenë të ndershme .
Në konferencën e përjavshme të mediave, Meta tha se ka informacione se më 25 Prill do të ketë tentativa për manipulim të zgjedhjeve.
“Informacionet ju i keni të tërë, unë kam edhe më shumë se ju për shkak se ato vijnë edhe kryqëzohen. Unë do të marr masat e mia në respekt të Kushtetutës dhe në transparencë të plotë me gjithë opinion publik. Qytetarët shqiptarë duhet të jenë të sigurt dhe të bindur se vullneti i tyre do të numërohet edhe garanci për këtë jap unë si president dhe i gjithë popullit shqiptar do të jetë garant për të ruajtur dhe mbrojtur votën e vet”, tha kreu i shtetit.
Ai theksoi se kushdo që iu bën presion qytetarëve, apo jep para për votën, nuk është udhëheqës, por po tenton që të shkatërrojë demokracinë.
Kujtojmë se mëngjesin e sotëm Presidenti Ilir Meta u shfaq me tone mjaft të ashpra. Gjatë fjalës së tij. Ai tha se Edi Rama nuk e ka problmein me LSI apo me vetë atë, por me demorkacinë.
Më tej ai theksoi se është e ardhmja e Shqipërisë dhe inkurajoi qytetarët që të votojnë pa trysninë e presioneve ku mund të gjenden.
