Ditën e sotme pritet të zhvillohet tubimi i thirrur nga presidenti, Ilir Meta, kundër asaj që ai e quan grusht shteti.
Policia e Tiranës ka aprovuar kërkesën e presidencës dhe ka përgatitur një plan masash për mbarëvajtjen e tubimit.
Mësohet se pranë kryeministrisë dhe institucioneve përgjatë bulevardit, do të angazhohen 1000 forca policie.
Përgjatë perimetrit të kryeministrisë do të formohet një kordon ku do të ketë edhe police femra, shkruan “Balkanweb”.
Në gatishmëri pranë kryeministrisë pritet të jetë edhe Garda e Republikës, zjarrëfikëset dhe ambulancat.
Kufizime të qarkullimit rrugor do të ketë në bulevardin “Dëshmorët e Kombit” dhe rrugët lidhëse me të.
