Analisti Armand Shkullaku ka komentuar mbrëmjen e sotme kandidimin e mjekes Najada Çomo dhe inxhinieres Luljeta Bozdo si deputete në listat e PS. I ftuar në emisionin “Zonë e lirë”, ai ka thënë se mandatin Ramës nuk ia japin intelektualët, por Avdylajt (duke iu referuar bandës së Durrësit me të cilën figura të PS janë përmendur se kanë lidhje për shit-blerje votash).Shkullaku tha shqiptarët nuk duhet të gënjehen nga fakti se Rama po përdor figura të njohura si Çomo e Bozdo. Ai u shpreh se një urbanist duhet ta shoh se si Rama e ka katandisur qytetin, ndërsa një mjeke e nderuar si Najada Çomo nuk ka si të mos e di çfarë ndodh në spitale.
“Po nuk qe Avdyli nuk ecë o zotëri. Mandatin ia japin Avdylajt jo intelektualët. Nuk është problemi pse Rama i përdor këta. I thotë pensionistëve që duke marrë zonjën Bozdo, po marrim profesionistë. Efekti është zero. Nuk duhet ta hanë shqiptarët. E hëngrën një herë, e hëngrën dy herë, nuk duhet ta hanë më. Ky i përdor këta. Me gjithë respektin që kam për Zonjën Bozdo. Personaliteti kur angazhohet ka disa parime të vetat. Si mundet një urbanist të bëhet me Edi Ramën kur shikon si është katandisur qyteti. Një mjeke e nderuar si Çomo nuk e di çfarë ndodh në spitale. Nuk i di ajo koncesionet.”, tha Shkullaku.
Kujtojmë që Edi Rama ftoi si mjeken Najada Çomo ashtu edhe inxhinieren Luljeta Bozdo t’I bashkohen listave të Partisë Socialiste për zgjedhjet e 25 prillit. Të dyja iu përgjigjën pozitivisht ftesës.
