Seanca ku do të shqyrtohet legjitimiteti i mandatit të deputetes Olta Xhaçka në Gjykatën Kushtetuese, do të mbahet më datë 21 qershor. Gjykata Kushtetuese ka pranuar kërkesën e bërë nga grupi parlamentar i Partisë Demokratike të Rithemelimit. Kërkesa u dorëzua tre javë më parë nga kryetari i Grupit Parlamentar të PD së Rithemelimit, Gazment Bardhi. Kërkesa e Bardhit u firmos nga 44 deputetë
Partia Demokratike, që përfaqësohet nga Rithemelimi, më 24 Prill ka dorëzuar në Gjykatën Kushtetuese kërkesën për heqjen e mandatit të deputetes për Olta Xhaçkën, pas refuzimit të socialistëve që kjo procedurë të kalonte nga parlamenti. Kanë qenë 44 deputetë, ata që kanë firmosur kërkesën për Gjykatën Kushtetuese, e cila është dorëzuar nga Bardhi.
Ndërkohë, në seancën e zhvilluar në 11 prill Kuvendi me 72 vota kundër dhe 39 pro, nuk e dërgoi në Gjykatë Kushtetuese vlerësimin e legjitimitetit të mandatit të deputetes Olta Xhaçka. Ndërkohë ish-ministrja ka deklaruar se për shkak të akuzave të opozitës dhe jo vetëm, është detyruar që të kthehet në “avokaten” e të shoqit. Bashkëshorti i Xhaçkës gëzon edhe statusin e investitorit strategjik. Dosja ndaj tij lidhet me dhënien e një prone, e cila sipas Fredi Belerit është tjetërsuar dhe më pas i është shitur Artan Gaçit, bashkëshortit të ish-ministres së Jashtme, Olta Xhaçka.
