Ogerta Manastirliu ka prezantuar sot 3 vendime të marra nga Këshilli i Ministrave. ministrja e Shëndetësisë dhe Mbrojtjes Sociale tha se këto vendime përqendroheshin tek ndihma ekonomike, e cila do të dyfishohej.
Manastirliu prezantoi edhe vendimin e marrë mbi investimet e reja në modernizimin e shërbimeve brenda spitali Memorial të Fierit dhe gjithashtu edhe projektin e ndërmarrë me financim nga qeveria zviceriane ku synohej edukimi shëndetësor në shkollat shqiptare.
Ministrja e Shëndetësisë dhe Mbrojtjes Sociale Ogerta Manastirliu:
Vendimi i parë ka të bëjë me rritjen e masës së ndihmës ekonomike. Duke filluar nga janari buxheti është rritur për programin e ndihmës ekonomike, me rreth 15 milionë dollar. Janë familjet që marrin ndihmë ekonomike që do të përfitojnë. Do të dyfishohet ndihma ekonomike për familjet të cilat kanë deri në 3 fëmijë deri në moshën 8 vjeç. Do të rritet ndihma ekonomike për fëmijët jetimë. Është një politikë sociale e cila bëhet objektive me buxhetin e vitit 2022 që synon të mbështesë familjet të cilat janë pjesë e kësaj skeme. Spitalin Memorial në Fier, tashmë më shumë se prej 6 muajsh po funksionin duke rritur gamën e shërbimeve të tij dhe duke u shërbyer më shumë se 330 mijë qytetarëve në jug të vendit. Deri tani janë shtuar shërbimet e dhëna.
