Ministrja e Shëndetësisë, Ogerta Manastirliu, nga njësia e lëvizshme e vaksinimit në Ndroq, bëri të ditur se kanë dyshime që varianti Delta është duke qarkulluar në Shqipëri, por janë ende në pritje të rezultateve të laboratorëve të referencës.
Sipas Manastirliut, duke parë rastet në rritje në Rajon dhe në Europë të këtij varianti, sigurisht qe krijon dyshime në prezencën e tij edhe në Shqipëri, prandaj iu kërkon shqiptarëve të rrisin ndergjegjësimin.
Sa i takon masave kufizuese, Manastirliu siguroi se javët e hapura do të vijojnë, por qytetaret duhet të vaksinohen sa më shumë të jetë e mundur gjatë ditëve të ardhshme.
“Javët e hapur do vijojnë, me rritjen e numrit të vaksinave, vaksinimi për cdo grupmoshë të vashdojë, shohim që ka funksionuar, është rritur mbulimi me vaksina për të gjitha grupmoshat e shihet intres në rritje dhe për grupmposhën e re, plus 18.
Kemi rritje të lehtë të rasteve pozitive, kemi dyshime të arsyeshme që në Shqipëri qarkullon varianti Delta por jemi ende në pritje të rezultateve të laboratorëve të referencave për ta vërtetuar.
Nisur nga ajo që po ndodh në vendet e rajonit dhe evropiaee dihet që ka qarkullim të ketij varianti e ka nevojë për të rritur ndërgjegjësimin“, tha Manastirliu.
