Ministrja e Shëndetësisë iu ka bërë sërish thirrje qytetarëve që të vaksinohen për Covid-19. Me anë të një statusi në Facebook, ajo thotë se rritja e rasteve është tregues së vaksinimi nuk pret, ndërsa bën thirrje që secili të marrë dozën në pikën më të afërt të vaksinimit.
Ministrja bën me dije se deri më sot në vendin tonë janë kryer 1 229 405 vaksinime.
Statusi i plotë i Manastirliut:
Rritja e rasteve të të prekurve nga #COVID19 është tregues se vaksinimi nuk pret. Vaksinohu sa më parë në pikën më të afërt të vaksinimit.
#VaksinatShpëtojnëJetë
*** 1,229,405 vaksinime të kryera deri më sot.
Ditën e sotme rastet me Covid-19 në Shqipëri kanë pësuar një rritje të ndjeshme në krahasim me ditët e kaluara, ndikuar edhe nga prania e variantit Delta. Në 24 orët e fundit janë raportuar 99 raste të reja, nga 65 që ishin ditën e djeshme. Po ashtu në të gjithë vendin janë aktualisht 523 raste aktive me koronavirus, ndërsa 23 pacientë po marrin trajtim spitalor në Spitalin Infektiv. Muaji gusht do të jetë muaj i hapur vaksinimi për të gjithë qytetarët mbi 18 vjeç. Të gjithë mund të vaksinohen në qendrën shëndetësore apo në pikën më të afërt të vaksinimit duke pasur me vete edhe kartën e identitetit.
