Ministrja e Shëndetësië, Ogerta Manastirliu u ka bërë thirrje qytetarëve që të vaksinohen. Në një postim në Facebook, ministrja bën me dije ndër të tjera se më shumë se 13 mijë qytetarë janë vaksinuar sot, duke e çuar në 1 123 253 numrin e qytetarëve të vaksinuar që prej fillimit të procesit.
Manastirliu thotë se të gjithë personat mbi 18 vjeç duhet të shfrytëzojnë fundjavën për t;u vaksinuar, nga ora 8 e mëngjesit deri në 8 të mbrëmjes, në qendrat shëndetësore ose të vaksinimit kudo në vend.
Postimi i plotë:
Më shumë se 13 mijë qytetarë u vaksinuan sot, ndërsa janë 1,123,253 vaksinime të kryera që prej fillimit të këtij procesi jetik
Nëse jeni mbi 18 vjeç, shfrytëzoni fundjavën për t’u vaksinuar nga mëngjesi deri në 8 të mbrëmjes, në qendrat shëndetësore ose në qendrat e vaksinimit të përqëndruar kudo në vend
;
Prej ditës së hënë në vendin tonë kanë nisur ditët e hapura të vaksinimit, që do të mbyllen të dielën. Ndërkohë, në 24 orët e fundit janë regjistruar 31 raste me Covid-19 dhe nuk ka pasur asnjë humbje jete. Ministria e Shëndetësisë ka bërë vazhdimisht apel që qytetarët të vaksinohen, përballë rrezikut edhe të varianit Delta. Megjithëse rastet e para nuk janë konfirmuar ende në Shqipëri, Delta po bëhet tashmë variant dominues në të gjithë Europën.
