Ministrja e Shëndetësisë, Ogerta Manastirliu ka bërë sërish thirrje që qytetarët të vaksinohen, ndërkohë që vaksinimi i hapur vazhdon për të gjithë ata që janë mbi 18 vjeç.
Ministrja ka thënë se fokus janë ata që janë mbi 50 vjeç e janë më të rrezikuar, por natyrisht edhe studentët, të cilët duhet të jenë sa më të mbrojtur në auditore për vitin e ri akademik.
Postimi i plotë i Manastirliut:
VAKSINIM • VAKSINIM • VAKSINIM
Ne jemi të angazhuar të vazhdojmë me vaksinimin e të gjithë qytetarëve +18 vjeç, me fokus tek ata që janë më të rrezikuar +50 vjeç, por duke synuar edhe studentët, të cilët duhet të jenë sa më të mbrojtur në auditore për vitin e ri akademik.
**Vaksinimi antiCOVID në qendrën shëndetësore në Sarandë, ku janë kryer mbi 17.000 vaksinime.
Më herët gjatë ditës së sotme, Manastirliu bëri sërish thirrje për vaksinim, nga qendra shëndetësore në Sarandë, ajo bëri gjithashtu me dije se mbrëmjen e sotme do të mbërrijnënë vend ehde 50 mijë doza të vaksinës Pfizer.
Kujtojmë që gjithë muaji gusht do të jetë muaj i hapur vaksinimi për të gjithë qytetarët mbi 18 vjeç, të cilët mund të paraqiten me kartën e identitetit në qendrën shëndetësore apo në pikën më të afërt të vaksinimit për të marr dozat e tyre të vaksinës.
