Ministria e Shëndetësisë dhe Mbrojtjes Sociale, Ogerta Manastirliu ka bërë me dije se procesi i vaksinimit anti-COVID vijon normalisht në të gjithë territorin e vendit.
Manastirliu me anë të një postimi në rrjetet sociale thekson se deri më tani janë vaksinuar 716,616 persona mes të cilëve 243,776 qytetarë i kanë marrë të dyja dozat e vaksinës anti COVID. Manastirliu në postimin e saj iu bënë thirrje të gjithë qytetarëve që të lidhen me mjekun e familjes për detajet mbi ditën dhe vendin ku do të vaksinohen. Ministrja shkruan se brenda qershorit pritet të realizohet objektivi prej 1 milion vaksinime.
“Teksa 60,000 dozat e vaksinës së Sinovac po shpërndahen sipas kushteve të sigurisë, #vijon pa u ndalur vaksinimi në çdo cep të vendit, për të mbërritur në 1 milion vaksinime brenda qershorit ✅
🧪716,616 vaksinime janë kryer deri tani, prej tyre 243,776 qytetarë i kanë marrë të dyja dozat e vaksinës antiCOVID.
I ftojmë qytetarët të lidhen me mjekun e tyre të familjes për ditën dhe vendin e vaksinimit”, shkruan ministrja e Shëndetësisë Ogerta Manastirliu.
Kujtojmë se në vendin tonë e kanë marrë vaksinën kategoria e të moshuarve, bluzave të bardha, gazetarëve të terrenit, uniformat blu dhe operatorët turistik, gjithashtu vaksinimi po vazhdon për personat +65 vjeç dhe të sëmurët kronik.
