Ditën e sotme në vendin tonë ka nisur faza e parë e hapjs së vendit, që do të vijojë në një proces të parashikuar në tre faza sikurse është bërë me dije deri në këto momente.
LEXO: “3 të hënat që hapin Shqipërinë”, Rama publikon planin: Nga hapja e qendrave estetike tek lokalet
Aktualisht, lëvizja me automjete private kryhet vetëm përmes autorizimit nga e-Albania, por ministrja e Shëndetësisë Ogerta Manastirliu tha në ‘Opinion’ se pas datës 11 marrja e lejeve mund të marrë fund.
Ajo deklaroi se do të lejohet lëvizja e automjeteve pa autorizim në zonat e gjelbërta, por po vlerësohet se mund të përfshihen të gjitha qarqet.
“Do të lejohet edhe zgjerimi i automjeteve pa autorizim duke nisur pas 11 majit. Po vlerësohet për zonat e gjelbra por po shikohet për të gjithë qarqet” tha ministrja.
E pyetur mbi transportin publik , Manastirliu tha se ai do të vijojë të mbetet i mbyllur dhe po vlerësohet të hapet në fazën e fundit.
Nga ana tjetër, Manastirliu tha se duke nisur nga data 18 maj do të rritet numri i riatdhesimeve.
Ministrja e Shëndetësisë tha se pas datës 11 do të ketë edhe të tjera lirime, në orare dhe në biznese, por e pyetur nëse ka ndonjë datë për hapjen totale, ministrja tha se numri i të shtruarve në spitale është thelbësore.
Sipas saj, nëse numri i pacientëve të shtruar në spital do të kalojnë më shumë se 250, do të na duhet të kthehemi në masat shtrënguese.
LEXO: Ndryshime të mëdha: Pas 11 majit priten të tjera hapje, kushti ku varet lehtësimi i masave
