Drejtuesi i Departamentit të Mjedisit në Partinë Demokratike, Jamarbër Malltezi, ka reaguar ndaj letrës së publikuar nga Olsi Rama, i cili është akuzuar si një prej organizatorëve të trafikut të kokainës në dosjen “Xibraka”.
Malltezi shprehet se Edi Rama, në letrën e tij publike, ka dërguar dy gënjeshtra të mëdha, duke përfshirë kohën e ardhjes së Olsit në Shqipëri dhe historinë e klubit të tij të futbollit. Malltezi kundërshton pretendimin e Ramës se Olsi është kthyer në Shqipëri për të qenë drejtor sportiv i Partizanit, duke theksuar se Olsi Rama ka filluar punën e tij në futboll shumë vite më vonë, pas një periudhe prej katër vitesh në vend. Ai gjithashtu hedh dyshime mbi deklaratën e Ramës për mungesën e ndërhyrjes së Olsit tek Edi, duke përmendur se qeveria është përfshirë në dhënien e tokave për biznesin privat të Olsit. Më tej, Malltezi shpreh pyetje mbi arsyen pse Edi Rama dha dy gënjeshtra në një deklaratë, duke sugjeruar se ky veprim mund të ketë të bëjë me përfitimet personale të xhepit të tij.
Përtej akuzave në lidhje me trafikun e kokainës, reagimi i Malltezit thekson edhe mosbindjen e tij ndaj gënjeshtrave dhe kërkon qartësi dhe përgjegjësi nga liderët politikë për veprimet e tyre të shkuara dhe të tanishme.
POSTIMI:
Pse gënjeu dje Olsi Rama dhe firmosi deklaratën e mllefosur të Edi Ramës?
Dje, i bezdisur nga miza nën kësulë, Rama lëshoi një deklaratë të gjatë e të mllefosur që e nxori si të Olsit. Pasi shau të gjithë ata që nuk lëpijnë vjedhjet masive të Edi Ramës, duke u përpjekur të viktimizonte Olsit i këputi disa gënjeshtra të trasha me shpresën se njerëzit nuk mbajnë mend dhe gazetarët nuk reagojnë. Rama tha se Olsi është kthyer në Shqipëri për të qenë drejtor Sportiv i Partizanit dhe se ngaqë nuk ndërhynte tek Edi, partizani ka mbetur pa disa barraka! 2 gënjeshtra të trasha nga sikleti: (1) Olsi Rama u kthye qysh në 2013 në Tiranë por veç 4 vite më pas, në Dhjetor 2017 i lindi në zemër ideja për të drejtuar Partizanin dhe me 5 Dhjetor 2017 shkon tek kursi i trajnimit për drejtues sportiv të Federatës siç mund të konfirmohet lehtë zyrtarisht. Pra nuk ka ardhur se kish lindur për të qenë drejtor teknik por kjo ide i lindi 4 vite pasi u kthye në Tiranë dhe 3 vite pasi që dështoi laboratori i kokainës në Xibrakë. (2) ndryshe nga gënjeshtra e Ramës (me gojën e Olsit) se kinse nuk i jep qeveria 3 barraka, në fakt Edi Rama i ka bërë dhoro plot 37,000 m2 troje nga të cilat 5,164m2 sipërfaqe ndërtimore! Dhoro e Edvinit për biznesin privat të Olsit mban datën VKM 183 datë 09.03.2016! Pse Edi shtyu Olsin të bënte 2 gënjeshtra publike në 1 deklaratë? Përveç hallit me kokainën nëse do kish shtet ligjor dhe prokurorë të pavarur e jo lolo do duhej të jepte përgjigje për grabitjen e tokave publike për interes të xhepit të të vëllait!
