Jamamber Malltezi, dhëndri i kreut të Partisë Demokratike Sali Berisha, i është drejtuar Gjykatës së Lartë me një kërkesë për heqjen e masës së sigurisë “arrest në shtëpi” që po zbaton aktualisht.
Sipas avokatëve të tij, kushtet për të mbajtur këtë masë nuk ekzistojnë më, pasi çështja tashmë është kaluar për gjykim në Gjykatën e Posaçme.
Ata argumentojnë se në këtë fazë të procesit penal, mbajtja e Malltezit në arrest shtëpie është e pajustifikuar dhe kërkojnë që ai të përballet me drejtësinë në gjendje të lirë.
Gjykata e Lartë pritet të shqyrtojë këtë kërkesë dhe të marrë vendimin përkatës në ditët në vijim.
