Para disa ditësh autoritetet e Malit të Zi njoftuan se mbyllën kufirin me Shqipërinë, për shkak të shtimit të rasteve të të infektuarve me koronavirus në vendin tonë.
Kjo ka bërë që një numër i madh punonjësish sezonalë shqiptarë të penalizohen duke mos mundur kështu të udhëtojnë drejt shtetit fqinj.
Një kriter për të kaluar nga Shqipëria drejt Malit të Zi është paraqitja e një testi anti Covid të 48 orëve të fundit.
Ky kriter nuk është vetëm për personat që kalojnë në Mal të Zi, por në çdo vend të Bashkimit Europian.
Për këtë arsye dhjetra punëtorë sezonalë kanë kërkuar teste anti-Covid në Shkodër, por që në vendin tonë bëhet vetëm për rastet e kontaktit dhe kjo është arsyeja që ka penalizuar shumë punonjësit sezonalë.
Punëtorët ditorë e sezonalë, ju drejtuan operatorit të shendetit publik për të kërkuar informacione se ku mund të kryejnë testin.
Atyre u duhet përgjigjia e tij, e cila është e vlefshme për vetëm 48 orë.
Janë mbi 500 punëtorë që duan të bëjnë tamponët, ndaj edhe u duhet një zgjidhje e menjëhershme.
Në Shqipëri, testimi anti-Covid nuk kryhet me kërkesë, por vetëm për të hetuar kontaktet e personave që më herët kanë rezultuar pozitiv nga koronavirusi.
Duke qenë se qeveria nuk ka vendosur një zgjidhje në dispozicion kjo do të thotë se rreth 500 persona që punojnë në Mal të Zi, do të vuajnë edhe nje herë pasojat e izolimit.
