Në aksin Librazhd-Elbasan ka ndodhur një ngjarje e rëndë, pasi një makinë, në të cilën ndodheshin shumë njerëz ka dalë nga rruga dhë si pasojë ka rënë në lumin Shkumbin.Burime bëjnë me dije se në mjet janë të paktën 5 persona, ndërsa ende nuk dihet gjendja e tyre.
Makina humbi kontrollin në aksin Elbasan-Librazhd në vendin e quajtur ‘Kthesa e Murrashi’ një zonë mjaft problematike që është bërë shpesh herë burim aksidenti veçanërisht në kohë me shi.
Deri më tani janë nxjerrë nga makina tre nga pesë personat që ndodheshin brenda saj, të cilt dyshohet se kanë ndërruar jetë. Pritet që nga momenti në moment të bëhet nxjerrja e shoferit dhe e pasagjerit tjetër, për të cilët nuk bëhen me dije detaje në lidhje me gjendjen shëndetësore.
Në vendngjarje ndodhen shërbimet e policisë Elbasan dhe shërbimet e zjarrfikseve dhe po punohet për nxjerrjen e drejtuesit të mjetit dhe të pasagjerëve.
Ndërkohë grupi hetimor po punon për zbardhjen e rrethanave të aksidentit.
Njoftimi i policisë së shtetit:
Rreth orës 09:10, në aksin rrugor Elbasan-Librazhd, vendi “Kthesa e Murrashit” , ka dalë një mjet nga rruga dhe për pasojë ka rënë në Lumin Shkumbin.
Në vendngjarje ndodhen shërbimet e policisë Elbasan dhe shërbimet e zjarrfikseve dhe po punohet për nxjerrjen e drejtuesit të mjetit dhe të pasagjerëve.
Grupi hetimor po punon për zbardhjen e rrethanave të aksidentit.
