Mbrëmjen e sotme një aksident është shënuar pak minuta më parë në lagjen “Luigj Gurakuqi” në Elbasan. Burime zyrtare të policisë bëjnë me dije, se 28-vjeçari A. Xh., ka përplasur me automjetin e tij tip “Toyota” këmbësoren 19-vjeçare M. XH.
Njoftimi i policisë
Informacion Paraprak
Më datë 09.01.2022, rreth orës 17:45, në lagjen “Luigj Gurakuqi” Elbasan, shtetasi A. Xh., 28 vjeç, banues në Elbasan, duke drejtuar automjetin tip “Toyota” ka aksidentuar këmbësoren shtetasen M. Xh., 19 vjeçe banuese në Elbasan, e cila ndodhet nën kujdesin e mjekëve, jashtë rrezikut për jetën.
Grupi hetimor po punon për zbardhjen e plotë të rrethanave të aksidentit.
Kujtojmë se Drejtoria e Përgjithshme e Shërbimit të Transportit Rrugor, njofton se numri i viktimave në aksidente rrugore me pasoja fatale ka rënë ndjeshëm në 22 muajt e fundit, edhe pse kemi 110,000 mjete më shumë në këtë periudhë.
Sakaq, DPSHTRR njofton se në këto 22 muaj 120,000 persona kanë marrë leje drejtimi për herë të parë, dhe kemi ulje të numrit të aksidenteve rrugore me pasoja dhe ulje të fataliteteve.
Shifra mjaft pozitive tregojnë ulje të aksidenteve me pasoja nga drejtuesat e mjetit të moshës deri 24 vjeç dhe shumë më pak aksidente nga drejtues mjeti të moshave 25 deri 34 vjeç.
