Biznesmeni italian Davide Pecorelli është gjallë, 8 muaj pasi makina e tij u gjet e djegur në Pukë dhe për të nuk kishte asnë lajm.
Ka qenë gruaja e biznesmenit që e ka bërë të ditur diçka të tillë dhe mësohet se ajo ka folur në telefon me 45-vjeçarin. Gazeta “La Nazione” bën me dije se Pecorelli u gjet ditën e djeshme dhe në gjendje të mirë shëndetësore në rrethana ende të paqarta, pranë një ishulli në bregdetin e Livornos në një gomone të mbytur. Pasi u gjet ai kontaktoi me bashkëshorten e tij në telefon.
Për sipërmarrësin italian nuk kishte asnjë lajm që nga janari i këtij viti, kur ai erdhi në Sqhipëri për biznes. Ai mori një makinë tip “Skoda” me qira në aeroportin e Rinasit, e cila u gjet e djegur në orët e vona të 7 janarit rreth 30 km nga Puka. Në brendësi të mjetit u gjetën objekte personale të tij dhe disa eshtra, të cilat pasi u ekzaminuan nuk nxorrën rezultate të rëndësishme.
Mbeten ende për t’u sqaruar shumë aspekte të asaj që ka nodhur me Pecorellin muajt e fundit, për të cilat kishin nisur hetimet si prokuroria italiane ashtu edhe ajo shqiptare. Ndër të tjera, bëhet me dije se biznesmeni është shprehur se do të paraqitet në Prokurorinë e Peruguia, e cila po ndjk rastin, dhe do të japë deklaratën e tij.
