Një ngjarje tragjike ka ndodhur në Itali. Mësohet një aksident i rëndë me pasojë vdekjen e një 40-vjeçari është regjistruar në Landiona të Italisë. Ndërkohë sipas medias italiane,
“Novaratoday.it”, viktimë e këtij aksidenti fatal, ka mbetur shtetasi Arian Domi. Ky i fundit i cili jetonte në Vicolungo, ishte me origjinë nga Shqipëria. Bëhet me dije se konkretisht ngjarja ka ndodhur mbrëmjen e së mërkurës 22 dhjetor.
Makina me të cilën po udhëtonte i ndjeri nga Shqipëria, është përplasur me një mur. Sipas informacioneve paraprake, Arian Domi i cili punonte në një kompani ndërtimi në Carpignano Sesia, po kthehej nga punë për në shtëpi. Nga hetimet është zbuluar se shkak për aksidentin, mund të jetë bërë prezenca e tepërt e mjegullës.
Domi ka humbur kontrollin e mjetit dhe është përplasur me murin e një shtëpie, ndërsa ka vdekur. Sa i përket shërbimit të urgjencës, ata kanë shkuar në kohë në vendin e ngjarjes,por si pasojë e plagëve të marra, 40-vjeçari nuk ka mundur të mbijetojë dot.
Ndërkohë një zyrtar i zonës u shpreh se i ndjeri ishte një punëtor i rregullt, teksa shtoi se kishte vite që jetonte dhe punonte në atë zonë.
Zyrtari i zonës:
Ai ishte një punëtor i rregullt dhe më vjen shumë keq për të, për gruan e tij dhe për dy fëmijët e vegjël që la pas dhe kjo vetëm pak para Krishtlindjeve.
