Ditën e sotme një aksident me pasoja të rënda ka ndodhur në Radhimë të Vlorës.
Si pasojë ka mbetur i plagosur një kalimtar rastësor.
Ka dyshime që mjeti të ketë qenë me shpejtësi dhe për pasojë ka humbur kontrollin dhe ka dalë nga rruga.
Më pas ai është përplasur me disa tabela duke goditur dhe aksidentuar kalimtarin që po ecte në anë të rrugës. Bëhet fjalë për të riun Emiliano Habilaj, i cili ndodhet në spitalin e Vlorës, ndërsa fatmirësisht është jashtë rrezikut për jetën.
“Ballkan Web” ka siguruar videon nga vendi i ngjarjes.
Vlen të përmendim se shifrat e aksidenteve në vend janë alarmante. Në muajin Mars 2022 numërohen 101 aksidente rrugore nga 119 aksidente të ndodhura në muajin Mars 2021, duke u ulur me 15,1 %, krahasuar me të njëjtën periudhë të një viti më parë. Në tremujorin e parë të vitit 2022 numërohen 285 aksidente rrugore nga 323 aksidente, të ndodhura në të njëjtën periudhë të një viti më parë, duke u ulur me 11,8 %. Në tremujorin e parë të vitit 2022, numri i të aksidentuarve është 392 persona nga 418 persona të aksidentuar në të njëjtën periudhë të një viti më parë. Në muajin Mars 2022, numri i të vdekurve nga aksidentet rrugore është 14 persona, nga 18 persona të vdekur në Mars 2021.
