Samiti i Diasporës tashmë nisi dhe i pari që e ka çelur atë ka qenë Ministri i Shtetit për Diasporën, Pandeli Majko. Majko i ka uruar mirëseardhjen të gjithë biznesmenëve të pranishëm dhe u shprehur se ky tashmë është vendi ku takohen gjithë shqiptaret, pavarësisht trevave dhe shteteve ku jetojnë dhe veprojnë.
Mirëpo në fjalën e tij, ministri i dha një rëndësi të veçantë faktit se të pranishmit nuk do jenë aty të flasin si qeveritarë, por si individë që parashtrojnë objektivat që duan të arrijnë.
“Këto sot kemi nga të gjitha trevat ku jetojnë shqiptarët. Nesër do të jetë një ditë e veçantë. Kjo është një shtëpi e veçantë, kjo është shtëpia e mbretit, por sot mbreti jeni ju.
Sot kemi nevojë të veçantë që nesër të diskutojmë, jo si qeveritarë, por si njerëz se ku jemi dhe ku duhet të shkojmë. Mirë se vini në shtëpinë tuaj”, tha Majko.
Në kushtet kur opozita vijon protestat, Ministri Majko ka hedhur hapin e parë për të “pajtuar” kreun e Partisë Demokratike, Lulzim Bashën me kryeministrin Edi Rama dhe kjo shihet qartë në fjalën që këta priten të mbajnë nesër në Samitin e Diasporës.
