Ekuadori është një ndër vendet e cila njihet si destinacion për të gjithë kokat e krimit në Shqipëri, por atje shfaqen si biznesmenë. Lidhur me këtë realitet, ka shkruar një media ekuadoriane, e cila piketon të gjithë biznesmenët shqiptarë me të shkuar kriminale dhe që në Ekuador shfaqen si të pastër dhe të paprecedentë.
Ata shkruajnë se biznesmenët shqiptarë shkojnë në Ekuador si biznesmenë të mëdhenj, por në fakt në vendin e tyre janë në listën e më të kërkuarve. Në këtë listë bëhet fjalë për anëtarë të mafies nga Shqipëria, të cilët i shohin kufijtë dhe portet detare të Ekuadorit si një mundësi për të dërguar drogë në Evropë dhe Amerikën Latine. Përmendim këtu Ergys Dashi, ishte anëtar i mafies shqiptare dhe i cili kërkohej në disa vende për disa krime që u vra në një restorant nga një person.
Pjesë ë këtyre biznesmenëve është edhe Arbër Çekaj, një sipërmarrës i paligjshëm për Ekuadorin, i cili themeloi një firmë eksporti bananesh në Ekuador. Pikërisht përmes 18 kompanive ekuadoriane, Cekaj eksportonte kokainë brenda në banane me destinacion përfundimtar vendin tonë. Ndërkohë rasti i fundit ishte skandali i “Bana King” ku në kontejnerin e saj në magazinat e vendosura në Vaqarr u gjetën 119 kg kokainë, jo vetëm nuk solli reagime nga instancat përkatëse, por edhe liroi të arrestuarit të cilët ‘mbyllën sytë’ përpara skanerit në Durrës. Sasia e drogës vinte nga Ekuadori dhe ishte fshehur në kamionët me banane të kompanisë “Bana King”. Por edhe pse u arrestuan, të dyshuarit për skandalin u liruan.
Nuk është hera e parë që kompania e “Bana King” piketohet në skandale të tilla, por ajo që të bën përshtypje nga kjo histori, është fakti se nuk ka pasur një reagim zyrtar nga ana e ministrit të brendshëm, Bledi Çuçi, drejtorit të policisë, Gledis Nano, dhe as nga ana e drejtorit të Portit të Durrësit, Pirro Vengu, ndërsa nuk është marrë në pyetje as administratori i ‘Zico’ SH.A, Trifon Murataj.
Nga gjithë këto skandale dhe nga gjithë kjo veprimtari e këtyre ‘biznesmenëve’ me precedentë penal në vendin tonë, por që ‘lulëzojnë’ në Ekuador, pyetja që lind është: A do të bie Bledi Çuçi, Gledis Nano dhe SPAK në gjurmët e këtyre pseudo-biznesmenëve të korruptuar dhe kriminelë dhe të ndalojë aktivitetin e tyre në mega-skandalet me banane e kokainë”?!
