Macron rizgjidhet president i Francës.
Ndërkohë kryeministri i Shqipërisë, Edi Rama i ka uruar fitoren Presidentit të rizgjedhur të Francës Emmanuel Macron.
Rama thotë në postimin e tij në “Twitter” se mezi pret Macron për një vizitë në Shqipëri.
“Sapo e kam uruar Presidentin e rizgjedhur të Francës, Emmanuel Macron, të cilin uroj që së shpejti ta mikpresim në Shqipëri në vizitën e parë të një kreu të shtetit francez në vendin tonë”, shkruan Rama.
Sipas rezultateve, Emmanuel Macron ka siguruar 58.ë% të votave, ndërsa kundërshtarja e tij Marine Le Pen 41.8%. Kështu, Macron fiton edhe një mandat të dytë presidencial pesë-vjeçar në Francë.
Ndërsa sfiduesja e tij e ekstremit të djathtë Marine Le Pen fitoi 41.8% të votave në zgjedhjet që panë shkallën më të lartë të abstenimit në vend në 50 vjet.
Ndryshe edhe sondazhet e opinionit publik në ditët e fundit kanë sugjeruar që Emmanuel Macron mund të bëhet presidenti i parë francez në 20 vjet që fiton një mandat të dytë.
Kujtojmë që sondazhet parashikonin gjithashtu se një numër ndoshta rekord i njerëzve ose do të hedhin “një votë të bardhë” ose nuk do të votojnë fare.
Theksojmë si Macron ashtu edhe zonja Le Pen janë përpjekur të marrin 7.7 milionë votat që shkuan për kandidatin e majtë Jean-Luc Melenchon, i cili u mund në votimin e parë më 10 prill.
