50 vjeçari Ahmet Toska u ekzekutua me plumb në kokë mëngjesin e sotëm në Fier. Ai po shoqëronte bashkëshorten e tij në punë, në momentin kur është qëlluar tre herë.
Ai gjithmonë mësohet se bënte këtë itenerar çdo ditë dhe më pas shkonte në vendin e tij të punës, në një pikë karburanti.
Një prej dëshmitareve që banonin në afërsi të vendit ku u ekzekutua 50-vjeçari Toska, ka treguar se janë zgjuar pasi dëgjuan tre të shtëna armësh dhe më pas ulërimat e një gruaje.
Dëshmitarja ka treguar se pasi kanë dëgjuar të shtënat e armëve, kanë dalë në rrugë dhe kanë parë bashkëshorten e viktimës që qante mbi të shoqin.
Ndër të tjera dëshmitarja u shpreh se familja ka qenë një ndër familjet më të qeta dhe nuk kanë pasur dijeni për ndonjë konflikt.
“Dëgjuam krismat, ishim në gjumë faktikisht. Krismat, tre herë ka goditur, mu bë fillimisht si nga këto shashkat. Dola aty sepse u trembën fëmijët, po ulërinte e shoqja, sa hapa portën kur ajo i ra të shoqit përsipër. O ma vranë, o ma vranë. Thashë çohu moj motër. Dëgjova ulërimën e të shoqes. E shoqja që atje erdhi me vrap, si duket është ruajtur nga autori dhe kur e pa që ai ra përtokë, u çua e shoqja e po bërtiste ma vranë, ma vranë.
Tentova që ta ngrija atë por nuk mundesha dot. Fëmijët dolën, u trembën se ishin në gjumë, vetëm nga krisma që goditi tre herë bam-bam-bam. Ata ishin pa makinë. Viktima me gruan kalonin këtej përditë se çonte të shoqen në punë. Ai ishte djalë shumë i mirë, edhe e shoqja, si familje”, ka thënë dëshmitarja.
Kujtojmë se autori i ngjarjes ende nuk është identifikuar, ndërsa shkaku i ngjarjes së rëndë ka tronditur Fierin nuk dihet ende.
Ndërkohë që pas lajmërimit për ngjarjen, në ndihmë të Policisë atje shkuan dhe Forcat e Ndërhyrjes së Shpejtë dhe kanë krehur zonën për kapjen e autorit, si dhe janë ngritur pika kontrolli në hyrje-daljet e qytetit./GazetaReforma.com/
