Pas protestës së 12 nëntorit të organizuar nga opozita e bashkuar, kryeministri Edi Rama nuk ka lënë të kalojë pa e komentuar. Në një konferencë për shtyp ku ishin të pranishëm dhe gazetarët Rama tha se as nuk e ka parë sa persona kanë qenë në shesh dhe as nuk i intereson. Duke i cilësuar ata militantë, Rama theksoi se kjo protestë e organizuar nga Berisha dhe Meta është e paguar nga të huajt për t’i bërë dëm Shqipërisë. Rama shtoi se personat e pranishëm në atë protestë nuk ishin qytetarë.
“Për ca proteste më flisni? Për cilët qytetar? Për një protestë partish? Një nongratë dhe një spiun që mbledhin militantët e tyre? S’ka lidhje me popullin, është protestë partish për pushtet, për të prishur e për të marrë, me të vetmin rezultat që hodhën ca bojë këtu që u deshën të punonin punëtorët natën për ta larë… ça proteste
As nuk di sa ishin, as i kam parë as më interesojnë, mund ta bëjnë çdo ditë po të duan, është një çorbë që e kemi parë prej 30 vitesh që e gatuan i njëjti kuzhinier, një nongrata. Më vjen keq që militantë shkojnë pas atyre që paguhen nga të huajt për të bërë dëm”, u shpreh Rama.
