Kandidatja e Partisë Socialiste për Tiranën, Luljeta Bozo ka treguar arsyet pse vendosi t’i bashkohet PS-së në këto zgjedhje. Gjatë prezantimit të kandidatëve për kryeqytetin, Bozo ka thënë se PS i ka mbajtur premtimet, pavarësisht se është përballur me dy ngjarje shumë të vështira siç janë pandemia dhe tërmeti. Inxhinierja tha se Partia Socialiste ka bërë reforma të pakrahasueshme dhe ka nevojë për një mandate të tretë që të vazhdojë punën e lënë përgjysmë.
“Ne inxhinierit i kemi të shkurtra fjalët. Të hyja në politikë s’më kishte shkuar mendja. Duke pasur në konsideratë me mendimin e të gjithë njerëzve, që kërkonin që në Shqipëri të kishte njerëz të tillë për të përfaqësuar në Kuvend. Zgjodha sepse PS, mban premtimet që jep dhe në këtë periudhë pati dy ngjarje shumë të vështira pandeminë dhe Covid-19. PS ka bërë reforma të pakrahasueshme gjatë kësaj periudhe. Duhet t’i japim mbështetjen dhe në madatin e tretë që tëmos lërë punën përgjysmë. Vetëm qeveria jonë ka ditur ta menaxhojë më së mirë pandeminë dhe tërmetin. Jam shumë me besim që ne si skuadër që partia Socialiste të fitojë edhe këtë mandat te tretë”, është shprehur Bozo.
Më tej ajo ka shtuar se populli është i zgjuar dhe e kupton shumë mirë pa pasur nevojë të shohin mitingje. Bozo tha se gjërat nuk zgjidhen me boks, por me biseda, referuar përplasjeve të fundit në fushatë.
“Me njerëzit me këdo që takoj në rrugë, s’ka nevojë të bësh mitingje, njerëzit të kuptojnë shumë mirë. Kemi një popull shumë të zgjuar. S’ka nevojë për numra si ata që kërkojnë konfrontime nga mëngjesi në darkë. Nuk zgjidhen gjërat me boks. Zgjidhen me biseda”, ka thënë Bozo.
