Kryeministri i vendit Edi Rama, gjatë një bashkëbisedimi me qytetarët në Fier u shpreh se vendi nuk mund ti besohet më Lulzim Bashës, i cili sipas tij është një kukull e Partisë Demokratike. Ndër të tjera kryeministri ka sulmuar edhe Presidentin e vendit, Ilir Metën dhe ish kryeministrin Sali Berisha, që sipas tij e kanë kthyer Shqipërinë në plaçkë të bërë copash.
Ai iu kërkoi mandatin e tretë qytetarëve të Fierit, që të mos kthehen më pas ndryshimet e nisura. Rama theksoi se mandati i dytë u kthye në një mandat lufte, për shkak të tërmetit dhe pandemisë së Covid.
“Luli thotë pse merresh me mua, po me këtë të merrem. Në fakt me Lulin nuk duhet të merreshim fare se është thjeshtë një kukull, është Gjino që shërben për të krijuar një dasmë dhe ka një dhëndër të ri, ndërsa trimi që gjuan me gurë atje dihet që është Iliri. Ashtu siç dihet shumë mirë pse i ati i Gjinos kërkon Marigonë. Por Marigoja është Shqipëria që kërkon ta kthejë në një plaçkë që e ka bërë copash. Kjo s’ka për të ndodhur më, pasi ne do e ngremë në një nivel tjetër dhe do e bëjnë të pakthyeshëm këtë gjë dhe për këtë duhet mandati i tretë. Mandati i tretë është një mandat për të garantuar atë që kemi arritur dhe krijuar kushtet për të krijuar kushtet që ky kthim pas të mos ndodh më”, tha Rama.
