Luis Diaz, lojtari i Liverpulit, është në ankth për ngjarjet në Kolumbi, vendin e tij të lindjes. Mediat ndërkombëtare kanë njoftuar se persona të maskuar me motoçikleta kanë kapur prindërit e tij, kërkuar shpërblim për lirimin e tyre.
Sipas dëshmive të banorëve të Barrankas, qyteti ku ai u rrit, prindërit e tij ishin në makinë kur u rrethuan nga persona të maskuar mbi motoçikleta. Ata morën kontrollin e mjetit të tyre dhe u larguan nga vendngjarja.
Forcat e policisë dhe ushtrisë janë aktivizuar menjëherë për të ndihmuar familjen e një emri të njohur në Kolumbi dhe për të shpëtuar pengjet. Sipas mediave lokale, vetëm e ëma e futbollistit është liruar deri më tani, ndërsa babai i tij mbetet i zhdukur dhe nën kontrollin e personave të dyshuar të armatosur.
Drejtuesit më të lartë të policisë kolumbiane janë të pranishëm në këtë krahinë për të marrë pjesë në bisedimet me pengmarrësit, në përpjekje për të parandaluar një tragjedi që do të dëmtonte imazhin ndërkombëtar.
