Mëngjesin e ditë së sotme, është ndarë nga jeta gazetari dhe ish-ushtari i UÇK-së, Blerim Zhabari. Zhabari ishte kthyer nga Zvicra për t’iu bashkuar radhëve të Ushtrisë Çlirimtare të Kosovës, në luftën kundër Serbisë. Lajmin për vdekjen e tij e bëri të ditur përmes një postimi në rrjetin social në “Facebook”, bashkëpuntori i tij i ngushtë, Gazmend Morina. Së fundmi, Gazmend Morina dhe i ndjeri Blerim Zhabari kishin hapur së bashku një media në Kosovë dhe kanë njiheshin prej vitesh me njëri-tjetrin.
Postimi i plotë i Gazmend Morinës:
“Ma këpute shpirtin vëlla Blerim! Me pikellim të thellë ju njoftoj se sot ka ndërruar jetë Blerim Zhabari. Blerim, ishe shoku me besnik, njeri i urtë e intelektual i dalluar, veteran që lë Zvicrën për t’iu bashkuar në orët e para UÇK-së, gazetar i shquar e familjar i devotshëm.
Nga asgjë krijuam së bashku një medium, të cilën ma besove nga dita e parë dhe kurrë nuk me lë vetëm në asnjë sfidë. Ishe vëllau im dhe këshilltari im në cdo moment që më duhej. Një libër me shkru për virtytet e tua është pak. Nuk do të të harroj kurrë shoku im i jetës! Qoftë i përjetshëm kujtimi për ty Blerim!”, shkroi Morina.
