Një bashkëpunëtor i “mbretit” të kartelit të drogës Joaquín ‘ El Chapo Guzmán u ekzekutua brenda makinës së tij gjatë një sulmi në Meksikën veriore. Ndërkohë e plagosur mbeti edhe vajza e tij tetë muajshe.
Ignacio Paez Soto, anëtar i Kartelit Sinaloa, ishte brenda automjetit të tij me gruan kur një grup burrash me maska nisën sulmin jashtë një parking në një dyqan komercial në Caborca, Sonora.
Dëshmitarët u thanë autoriteteve se sulmuesit dolën nga një Jeep Cherokee që mbante pushkë ushtarake dhe qëlluan në Volkswagen Passat të Paez para se të arratiseshin.
Paez, i njohur si ‘El Nacho’ dhe ‘C1’, u qëllua më shumë se 50 herë dhe u shpall i vdekur në vendngjarje, thanë autoritetet. Vajza e tij e vogël u qëllua në krah dhe u dërgua menjëherë në një spital nga Kryqi i Kuq.
Nëna e fëmijës, e cila ishte gjithashtu në vendin e ngjarjes, nuk u lëndua fizikisht, por u trajtua nga ndihmës mjekët pasi pësoi një krizë nervore.
Kujtojmë se disa vrasës profesionistë të një karteli mizor droge në Meksikë, kanë ekzekutuar disa ditë më parë edhe tre trafikantë nga banda rivale e El Chapo.
Prapa vrasjes së tyre qëndrojnë tre vrasës të kartelit Jalisco Neë Generation, të cilët e kanë marrë përgjegjësinë e vrasjeve./Gazetareforma.com/
