Federata Angleze e Futbollit (FA) ka reaguar në lidhje me përplasjet e dhunshme në Wembley gjatë finalës së Euro 2020, duke thënë se nuk mund të përsëriten më kurrë. Institucioni I futbollit njoftoi një hetim për shkeljet e sigurisë, ndërsa I quajti skenat të turpshme.
Para fillimit të ndeshjes, tifozët u përplasën dhunshëm me sigurinë dhe u përpoqën të hyjnë pa biletë në stadium. Përplasejt nuk munguan as pas ndeshjes mes vetë tifozëve, madje ndeshja u ndërpe një moment pas një prej tyre hyri në fushë.
“Ne jemi të vendosur të kuptojmë plotësisht atë që ndodhi jashtë dhe më pas brenda Wembley Stadium”, në një deklaratë të Federatës.
UEFA ka ngritur katër akuza ndaj FA që janë duke u hetuar. Ato kanë të bëjnë me vërshëllimin gjatë himneve kombëtare, pushtimi i fushës, hedhja e objekteve dhe ndezja e një fishekzjarri nga tifozët.
Për më tepër, një inspektor etik dhe disiplinor i UEFA është caktuar të kryejë një hetim disiplinor për ngjarjet që përfshijnë mbështetës që ndodhën brenda dhe rreth stadiumit.
Në ndeshjen finale të Euro 2020 Anglia humbi në shtëpi ndaj Italisë pasi ndeshja përfundoi tek penalltitë, ku anglezët gabuan në tre raste. Koha e rregullt u mbyll në barazimin 1-1, me gol të Shaw për anglezët dhe Bonucci-t për italianët.
