Rusia po përdor raketa balistike të prodhuara nga Koreja e Veriut në luftën e saj në Ukrainë, sipas një raporti të ri të Pentagonit. Analiza e fragmenteve të raketave gjetur në rajonin e Harkivit në janar konfirmoi se ato ishin raketa balistike me rreze të shkurtër veprimi nga Koreja e Veriut. “Analiza konfirmon se Rusia ka përdorur raketa balistike të prodhuara në Kore të Veriut në luftën e saj kundër Ukrainës,” deklaroi Pentagoni.
Koreja e Jugut ka akuzuar Phenianin për dërgimin e mijëra kontejnerëve me municione në Rusi, duke shkelur sanksionet e OKB-së. Lidhjet mes Phenianit dhe Moskës janë forcuar kohët e fundit, me liderin verikorean Kim Jong Un që vizitoi Rusinë vitin e kaluar dhe u takua me presidentin rus Vladimir Putin. Kremlini ka njoftuar për një vizitë të ardhshme të Putinit në Korenë e Veriut.
