Ambasadori i Izraelit në OKB i ka bërë thirrje sekretarit të përgjithshëm të organizatës ndërkombëtare, Antonio Guterres që të japë dorëheqjen.
Ai pretendon se Guterres është i fokuasuar më shumë seç duhet në luftën në Gaza dhe se ka lënë pas dore izraelitët që mbetën peng nga Hasami.
“Nëntëdhjetë për qind e kohës së tij është e zënë me situatën humanitare në Rripin e Gazës”, tha Gilad Erdan për Radion e Ushtrisë Izraelite, duke pretenduar se ai nuk i ka kushtuar kohë robërve izraelitë dhe familjeve të tyre.
Erdan shtoi se Guterres i bëri presion Izraelit që të ndalonte luftën.
“I bëj thirrje që të japë dorëheqjen”, shtoi ndër të tjera ambasadori i Izraelit në OKB.
