Fushata elektorale e LSI, ka arritur në një nivel tjetër “delirimi”. Në një kohë kur Monika Kryemadhi ka zbritur në terren për të mbeldhur sa më shumë vota, “kreu” i partisë, Ilir Meta, vijon të mbajë karrigen e Presidentit të vendit.
Dje ish-deputetja opozitare zhvilloi një takim me drejtuesit politik në Tiranë, ku iu vuri si objektiv 11 mandate për LSI-në në kryeqytet.
“Ka një besim të madh për një rezultat jashtëzakonisht të lartë në Tiranë. LSI ndjen një rritje të madhe të përkrahjes nga 4 vjet më parë duke parashikuar arritjen e 11 mandateve në Tiranë. Mbështetja në rritje midis të rinjve dhe përkrahja e qytetarëve ndaj 5 prioriteteve të LSI-së për 5 muajt e parë të qeverisjes, motivojnë këtë optimizëm” mësohet të ketë thënë Kryemadhi.
Por kjo dëshirë e madhe e LSI dhe Kryemadhit duket e pamundur. Bazuar dhe në sondazhet e zhvilluara sëfundmi, shifrat tregojnë se kjo parti do e ketë të vështirë të fitojë 11 mandate në gjithë vendin, jo më në Tiranë.
Disa sondazhe e nxjerrin se do të marrë vetëm 2-4 % të votave, çfarë do të thotë se nuk do të shkojë më shumë se 6 apo 7 deputetë.
Duket se LSI po përballet dhe sulme të forta politike dhe nga kryeministri i vendit, Edi Rama, i cili me një deklaratë të fundit krijoi diversion të fortë politik.
“Bashkë me Bashën do e çonim LSI për skrap”, ka thënë Rama një javë më parë.
Ndoshta kjo ka bërë që Kryemadhi të angazhohet personalisht ne tërren me takime të shumta me të rinjtë, duke iu kujtuar qytetarëve të rinovojnë kartat e identitetit në kohë pandemie.
