Ky është lokali në fshatin Pllanë të Lezhës, që u bë shënjestër e një sulmi me armë zjarri. Ngjarja ka ndodhur në orën 06.30 të mëngjesit, ndërsa paraprakisht nuk raportohet për persona të lënduar por vetëm për dëme materiale. Lokali në drejtim të të cilit u qëllua me breshëri arme zjarri është në pronësi të shtetasit Gjovalin Prendi.
Gjovalin Prendit në vitin 2014 i kanë ekzekutuar nipin Taulant Prendi 27 vjeç, teksa mbeti i plagosur vëllai i Taulantit, Aurel Prendi 25 vjeç.
Kujtojmë që ekzekutimi i 27-vjeçarit ndodhi pranë Urës së Milotit, ku dy vëllezërit Prendi së bashku me Klodian Ndreca, 28 vjeç, po udhëtonin me një makinë tip “Golf” ku dy persona ka qëlluar mbi 20 herë me kallashnikov në drejtim të tyre.
Taulant Prendi dhe Klodian Ndreca mbetën të vdekur në vend, ndërsa Aurel Prendi mbeti i plagosur rëndë.
Mësohet se lokali nuk ka kamera sigurie, madje as dhe objektet e zonës përreth. Mes të tjerash Ndreka tha se kjo nuk është hera e parë që lokali është bërë shënjestër e një sulmi, pasi vite më parë i është vendosur tritol. Policia deri më tani nuk ka arritur që të ketë persona të shoqëruar lidhur me ngjarjen.
Në vendin e ngjarjes ndodhen shërbimet e Policisë dhe grupi hetimor për sqarimin e rrethanave të ngjarjes
Janë ngritur pika kontrolli në aksin rrugor dhe vijon krehja e zonës nga shërbimet e Policisë të DVP Lezhë.
/Gazetareforma.com/
