Çështja e Reformës Zgjedhore është një temë e nxehtë që zgjon debat dhe mbi të gjitha është në fokusin e amerikanëve, si pritshmëri që kanë për vendin tonë.
Ditën e djeshme ambasadorja amerikane Yuri Kim ka zhvilluar sot një takim me kreun e OSBE, Del Monaco, ku është folur për sistemin e drejtësisë dhe reformën zgjedhore.
Yuri Kim është shprehur se SHBA inkurajon Shqipërinë në krijimin e mundësive me qëllim që shqiptarët e disasporës të votojnë.
“U takova me ambasadorin e OSBE-së, Del Monaco, për të diskutuar angazhimin tonë të përbashkët për të mbështetur zgjedhjet e lira dhe të ndershme, reformën në drejtësi dhe luftën kundër trafikimit të qenieve njerëzore. Ne inkurajojmë Shqipërinë që të mundësojë votën e diasporës sa më shpejt që të jetë e mundur, siç e kërkon Kushtetuta. SHBA është e kënaqur të mbështesë Shqipërinë në përpjekjet e saj për të forcuar institucionet dhe proceset gjyqësore, duke përfshirë zhvillimin e programit të ri të masterit në kriminologji”, shkruan ambasadorja Kim.
Vlen të theksojmë se deklarata e ambasadores Yuri Kim duket si një ‘urdhër’ që do të ndalojë lojën e pisët që është bërë me këtë çështje nga politika në vend, ku duket se mazhoranca dhe opozita gjejnë dakordësim në këtë pikë në mënyrë që të mos realizohet. Edhe pse një premtim i dhënë herë pas herë për shqiptarët e diasporës, kjo ka mbetur vetëm në kuadrin e fjalëve.
Duket si e largët koha kur shqiptarët e diasporës do të kenë mundësi të votojnë në Shqipëri, kjo si pasojë e marrëveshjeve të fshehura mes palëve politike, që duken se merren vesh shumë mirë, në rastet kur interesi përputhet.
Ndërkohë që lidhur me takimin reagoi edhe OSBE, me anë të një mezazhi në Tëiter, ku theksohet se ambasadori Monaco dhe ambasadorja Kim kanë rënë dakord që të forcojnë punën e tyre të përbashkët për fuqizimin e Gjykatës Kushtetuese dhe SPAK-ut. Po ashtu edhe OSBE ndan mendimin se nuk duhet të zvarritet më vota e diasporës.
“Gjithmonë kënaqësi takimi me ambasadoren e SHBA në Shqipëri. E falënderuam atë për bashkëpunimin e shkëlqyer dhe të vazhdueshëm me OSBE në Shqipëri, për aspekte të shumta të shtetit të së drejtës dhe zbatimit të ligjit, përfshirë luftën kundër krimit të organizuar. Ramë dakord të forcojmë punën e përbashkët për një Gjykatë Kushtetuese dhe SPAK të fuqizuar. Shprehëm inkurajimin tonë që Shqipëria të mundësojë votimin nga jashtë vendit, siç përcaktohet në Kushtetutë, dhe mbetemi të gatshëm të japim ndihmën tonë”, bëhet e ditur në reagimn e Prezencës së OSBE në Tiranë.
Duhet përmendur se rritja e pjesëmarrjes së diasporës në zgjedhje do të bënte të mundur që mbi 1.4 milion qytetarë shqiptarë që jetojnë jashtë vendit të votojnë dhe do të rriste legjitimitetin demokratik në Shqipëri. /Gazetareforma
