Një 40-vjeçar është arrestuar nga policia në kryeqytet.
Policia njofton se ky shtetas dyshohet se për një periudhë 7-mujore ka krijuar krijuar llogari false në rrjetet sociale, për denigrimin e imazhit të ish të dashurës së tij duke postuar foto të saj.
Denoncimi në polici, u bë nga ish e dashura e 40-vjeçarit, pasi në rrjete sociale krijoheshin llogari të ndyshme me emrin dhe me fotot e saj.
40-vjeçari akuzohet për veprat penale “Falsifikimi kompjuterik” dhe “Ndërhyrja në të dhënat kompjuterike”.
Njoftimi i policisë:
Krijoi llogari false në rrjetet sociale, për denigrimin e imazhit të ish të dashurës së tij, identifikohet dhe arrestohet 40-vjeçari.
Specialistët e Sektorit për Hetimin e Krimeve Kibernetike, në vijim të punës për goditjen e paligjshmërive në fushën e krimeve kibernetike, pas kallëzimit nga një shtetase, se në rrjete sociale krijoheshin llogari të ndyshme me emrin dhe me fotot e saj, menjëherë kanë organizuar punën për identifikimin dhe kapjen e autorit.
Si rezultat i veprimeve të shpejta hetimore, u identifikua, u kap dhe u ndalua autori i dyshuar, shtetasi E. T., 40 vjeç, banues në Tiranë, për veprat penale “Falsifikimi kompjuterik” dhe “Ndërhyrja në të dhënat kompjuterike”.
Ky shtetas dyshohet se për një periudhë 7-mujore ka krijuar profile në rrjetet sociale, me gjeneralitetet e ish të dashurës së tij, në të cilat publikonte foto me përmbajtje të ndryshme, për denigrimin e imazhit të saj.
Materialet procedurale i kaluan Prokurorisë, për veprime të mëtejshme.
