Ngjarjet e fundit të ndodhura në vend kanë tronditur jo pak opinionin vendas dhe atë të huaj, gjë që ka bërë që edhe Ministra e Brendshme të ndërmarrë hapat e saj.
Pikërisht ditëne sotme, ministri Sandër Lleshaj është duke zhvilluar një takim në ministri me vartësist e tij për të folur për sigurinë dhe rendin në vend.
Të pranishëm janë edhe disa nga zyrtarët më të lartë të Policisë së Shtetit si Drejtori i Përgjithshëm i Policisë së Shtetit, Ardi Veliu, Drejtor i Policisë Kriminale, Tonin Vocaj, Drejtor i Policisë Kufitare, Eduart Merkaj dhe disa drejtor të tjerë qarqesh.
Nga ajo që mësohet takimi është kërkuar nga vet ministri dhe në qendër të diskutimeve do të jetë grabitja e ndodhur në Aeroportin e Rinasit dhe analizimi i të gjithë informatave të mbërritura nga partnerët që lidhen me disa grupe kriminale.
