Ligjet miratuan dje paketën me ndryshime Kushtetutese, ku përfshihet heqja e koalicioneve dhe hapja pjesore e listave të kandidatëve për deputetë, ndërsa pragun elektoral iu ra në dorë Kodit Zgjedhor. Mirëpo, ky ndryshim duket se po sjell një krizë të re politike në vendin tonë.
Përveç murit të fortë kundërshtues nga PD dhe Presidenca, kryeministri Rama duket se ka kundër edhe ndërkombëtarët. Ditën e djeshme Johann Wadephul, kreu i grupit parlamentar të CDU-CSU-së bëri me dije se minimi i marrëveshjes së 5-qershorit, cënon procesin e negociatave. Ndërsa sot ambasadori i Bashkimit Europian, Luigi Soreca i ka dërguar një mesazh të qartë Partisë Socialiste dhe kryeministrit, se ndryshimet Kushtetuese, të propozuara nga opozita e re, dhe të mbështetura nga maxhoranca, nuk mbështeten tek rekomandimet e OSBE/ODIHR.
Duke folur nga kryesia e Kuvendit, kryeministri Edi Rama ka konfirmuar edhe një herë miratimin e draftit të 5 qershorit në Komisionin e Ligjeve me votat e shumicës socialiste dhe jo me konsensus. Gjatë fjalës së tij, Rama u shpreh se drafti u miratua me shumicë dhe jo me konsensus pasi opozita parlamentare “refuzon të pranojë mos-depolitizimin e komisioneve të votimit dhe numërimit.
“U miratua fjalë për fjalë drafti i 5 qershorit me shumicë dhe jo konsensus, sepse, opozita parlamentare refuzon të pranojë mos-depolitizimin e komisioneve të votimit dhe numërimit. Siç e dini edhe ju, është lëshimi i madh i PS, jo me hirin e objektivave të veta, por me pahirin e një nevoje për ta përfshire opozitën jashtë parlamentare në proces..”
Sa i përket votimit të ditës së djeshme te Komisioni i Ligjeve për listat e hapura dhe ndalimin e koalicioneve, Rama u shpreh se “reagimi i opozitës presidenciale dhe asaj jashtëparlamentare është i papranueshëm, qoftë në aspektin etik, apo atë politik e kombëtar.”
Rama tha se është i zhgënjyer nga deklarata e kreut të grupit parlamentar të CDU-CSU-së, Johann Wadephul. Në konferencën me gazetarët, Rama tha se Wadephul ishte i njëanshëm duke mbajtur anën e kreut të opozitës, Lulzim Basha. Sa pwr koalicionet, kryeministri tha se ato nuk do të ndalohen.
“Në planin politik, deklarimi është i ç’balancuar, sepse vetëm mban krahun e opozitës jashtë-parlamentare. Më vjen keq për faktin se në deklarimin e djeshëm, flitet deri për faktin për vënie në pikëpyetje të të ardhmes evropiane të Shqipërisë, kur Bundestagu nuk i vuri kusht Shqipërisë të bëjë të lumtur Lulzim Bashën. Pikë, kërkesa për Shqipërinë është miratimi i një reforme gjithë-përfshirëse. Shqipëria nuk mund të gjykohet në bazë të anësive politike. Shqipëria duhet të gjykohet mbi bazën e fakteve.”
https://www.facebook.com/edirama.al/videos/590364398335053/
