Menjëherë pas lirimit të tij pas 3 orësh në Komisariat dha një deklaratë. Gazetari Bledar Marku Moderatori dhe gazetari i Syri Tv, Marku u shoqërua në Komisariat pasi protestoi pasditen e sotme kundër shembjeve të parashikuara në zonën e “5 majit” dhe në Laprakë. Pas lirimit, ai ka dhënë një deklaratë për mediat, duke u shprehur se e gjitha bëhet për t’u intimiduar.
“Shoqërimi është i pavlerë. Kërkojnë që të na demotivojnë, ka unitet. Kërkojnë të na intimidojnë. Nuk është asnjë një shoqërim, protesta duhet që të vazhdojë,”-u shpreh ai. Ndërkohë që avokatja Adriana Kalaja ka bërë me dije se përveç Markut, në Komisariatin nr.4 në Tirnaë, ka 12 të shoqëruar të tjerë, pasi mbi ta rëndon organizimi i tubimit të paligjshëm.
Kujtojmw se pas protestës së banorëve të “5 Majit” u shoqwrua në Komisariatin e Policisë, gazetari Bledian Marku i cili është një nga zërat më aktivë të protestës, pasi edhe banesa e tij në Laprakë rrezikon që të rrafshohet nga projekti për ndërtimin e lotit të Unazës, ndërkohë që prenton se nuk ka marrë asnjë dëmshpërblim. SYRI ka sjellë me video momentin kur uniformat blu shoqërojnë gazetarin Bled Marku, i cili është i rrethuar nga 3 persona, përfshirë edhe efektivë të veshur si civilë.
Pasditen e sotme, banorët e ‘5 Majit’ u mblodhën në protestë në kryeqëzimin e Medresesë ku ngritën zërin kundër shembjes së banesave të tyre për rreth një orë. Protestës së tyre iu bashkuan edhe banorët e zonës së Laprakës, të cilët gjithashtu kërkojnë dëmshpërblimin për shembjen e banesave. Grumbullimi nisi nga shtëpitë e tyre të shembura dhe vijoi me një marshim, ndërsa paralajmëruan se të enjten do të dalin sërish në tubim para Kuvendit, derisa të marrin zgjidhje për problemin e tyre.
