Khalida Jarrar, aktiviste e shoqërisë civile dhe politikane është liruar pas dy vitesh nga burgu.
Autoritetet izraelite liruan Jarrar, një figurë e krahut të majtë dhe anëtar i Këshillit Legjislativ Palestinez (PLC), në pikën e kontrollit Salem në perëndim të qytetit Jenin të dielën pasdite.
Në korrik, një nga dy vajzat e Jarrar, 31-vjeçarja Suha, vdiq në Ramallah pas komplikimeve shëndetësore, duke çuar në thirrje masive që Izraeli të lironte politikanin herët për të marrë pjesë në funeralin e vajzës së saj, gjë që Izraeli e refuzoi. Pas lirmit nga burgu, Jarrar pritet të shkojë në varrezat, ku është varrosur vajza e saj Suha, para se të bëhet një pritje për të në Ramallah.
Kujtojmë se ushtria izraleite e arrestoi Jarrar në shtëpinë e saj në Ramallah më 31 tetor 2019, tetë muaj pasi ajo u lirua pas 20 muajsh në paraburgim administrativ pa gjyq.
Ajo u mbajt përsëri në paraburgim administrativ deri në mars të këtij viti kur një gjykatë ushtarake izraelite e akuzoi atë për “anëtarësim në një organizatë të paligjshme” për shkak të lidhjes me partinë politike të Frontit Popullor për Çlirimin e Palestinës (PFLP), ajo ishte burgosur edhe më parë për këtë akuzë.
Grupi i të drejtave të të burgosurve të Addameer me bazë në Ramallah tha në atë kohë se ” arrestimi i saj përbënë një shkelje flagrante të ligjit ndërkombëtar dhe bie ndesh me parimin juridik të vendosur ndërkombëtarisht dhe ndalimin e gjykimit të një personi për të njëjtin veprim dy herë”.
Izraeli ka nxjerr jashtë ligjit më shumë se 400 organizata, përfshirë të gjitha partitë politike palestineze – përfshirë partinë në pushtet Fatah dhe Organizatën Çlirimtare të Palestinës (PLO) dhe i ka cilësuar si “grupe terroriste”.
Ajo dënon rregullisht shumë palestinezë me pretekstin e “anëtarësimit në një organizatë të paligjshme” ose “ofrimit të shërbimeve për një organizatë të paligjshme” për shkak të përkatësive të tyre politike, ose çdo lloj aktiviteti paqësor. Jarrar ka qenë prej kohësh një objektiv i pushtimit izraelit për shkak të natyrës së saj të hapur dhe aktivizmit politik.
Ajo ka kaluar pjesën më të madhe të gjashtë viteve të fundit brenda dhe jashtë burgjeve izraelite, përfshirë midis korrikut 2017 dhe shkurtit 2019 në paraburgim administrativ. Në vitin 2015, ajo u dënua me 15 muaj për të njëjtën akuzë – “anëtarësim në një organizatë ilegale”.
Autoritetet izraelite e kanë ndaluar atë të udhëtojë që nga viti 1988, përveç një udhëtimi tre javor në Aman, Jordani, për trajtim shëndetësor. Jarrar u zgjodh si anëtare e PLC në listën e PFLP në 2006. Ajo gjithashtu është emëruar në Komitetin Kombëtar Palestinez për vazhdimin e Gjykatës Penale Ndërkombëtare.
