Ditën e sotme policia e Kavajës ka ushtruar kontroll në zonën e bregdetitit në plazhin e Golemit.
Mësohet se janë liruar 1500 m2 plazh i zaptuar në mënyrë të paligjshme. Gjithashtu Policia bën me dije se janë sekuestruar 200 shezlongë dhe 140 çadra plazhi.
Tre pronarë biznesesh janë proceduar penalisht, të cilët akuzohen për “Fshehje të të ardhurave” “Mospagim i taksave” dhe “Pushtim të tokës”.
Gjatë operacionit Policia procedoi penalisht për veprën penale “Shpërdorimi i detyrës”, 3 zyrtarë të Bashkisë, të cilët nuk kanë kryer detyrën, duke lejuar që këto biznese dhe të tjera të proceduara më parë nga Policia, të ushtronin aktivitet në mënyrë të kundërligjshme.
Njoftimi i Policisë:
Lirohen 1500 m2 plazh i zaptuar në mënyrë të paligjshme dhe sekuestrohen 200 shezlongë dhe 140 çadra plazhi, të vendosura në mënyrë të paligjshme në hapsirat publike.
Procedohen tre pronarë subjektesh për veprat penale “Fshehja e të ardhurave” “Mospagim i taksave” dhe “Pushtimi i tokës”
Nga ky kontroll rezultoi se 3 subjekte tregtare ushtronin aktivitet të kundërligjshëm në shfrytëzimin e hapësirës së plazhit (rërës), pa paguar detyrimet financiare dhe pa u pajisur me kontratë qiraje për përdorimin, nga Bashkia Kavajë. Në përfundim të veprimeve u proceduan penalisht shtetasit E. F., B. Ç. dhe M. B., administratorë të këtyre subjekteve.
Po gjatë operacionit Policia procedoi penalisht për veprën penale “Shpërdorimi i detyrës”, 3 zyrtarë të Bashkisë, të cilët nuk kanë kryer detyrën, duke lejuar që këto biznese dhe të tjera të proceduara më parë nga Policia, të ushtronin aktivitet në mënyrë të kundërligjshme, konkretisht shtetasit:
P.P. me detyrë përgjegjës i Zyrës së Kadastrës Urbane dhe të Menaxhimit të Aseteve Publike, në Bashkinë Kavajë.
M.Sh. me detyrë Drejtor i Drejtorisë së Tatim Taksave Vendore në Bashkinë Kavajë
Q.L. me detyrë Kryeinspektor i Policisë Bashkiake në Bashkinë Kavajë.
