Pas 10 ndeshjeve, Kosova ka fituar më në fund. Në Fadil Vokrri, Kosova fitoi ndaj Moldavisë 1:0, me një gol të Lirim Kastratit në minutën e 31-të . Me këtë fitore Kosova ka përfunduar në vendin e tretë me pesë pikë
Kjo ishte ndeshja e fundit në Ligën e Kombeve. Kosova e dominoi takimin por pati shumë vështirësi në fund të takimit ku Ibrahim Dreshevic u ndëshkua me karton të kuq.
Kosova për herë të parë sulmoi në minutën e 11-të me Muriqin, por priti portieri moldav Namasco. Rasti tjetër për Kosovën ishte në minutën e 17 ku një goditje e Valon Berishës u bllokua nga Platica. Moldavia do të rrezikonte dy minuta me vonë me Nicolaescu, por goditja e tij përfundoi jashtë.
Rastin më të mirë për të shënuar gol Moldavia e pati në minutën e 23-të ku goditjen e Nicolaescu e mbrojti portieri Ujkani.
Goli për Kosovën u shënuan në minutën e 31-të dhe erdhi pas një ndërhyrje të gabuar ndaj Hadërgjonajt. Topi i gjuajtur nga goditja e dënimit, u devijua nga skuadra moldave, por aty ishte Kastrati që pasi kontrollon topin bën një goditje të fuqishme me këmbën e djathtë duke shënuar golin për Kombëtaren e Kosovës.
Pas goli Moldavia u tregua e rrezikshme në dy raste por pa sukses derisa Zhegrova ka mundur ta dyfishoi epërsinë në minutën e 38-të por goditja e tij përfundoi jashtë.
Në pjesën e dytë, Moldavia arriti që ta kontrollonte më mirë ndeshjen, edhe pse Kosova pati disa dalje të mira përpara.
Rasti më i mirë ishte për Zhegrovën në minutën e 62-të, por goditja e tij u bllokua.
Një dalje e mirë në kundërsulm e Nicolaescu bëri që Ibrahim Dresevic ta ndalte në mënyrë të gabuar dhe gjyqtari i ndeshjes e ndëshkoi atë me karton të kuq në minutën e 85-të.
Në minutat e fundit Moldavia synoi ta barazojë rezultatin, por pa sukses derisa rastin më të mirë e patën për të shënuar në minutën e katërt shtesë nga Armash. Me këtë fitore Kosova vazhdon të jetë në Ligën C të Kombeve edhe edicionin e vitit 2022.
/GazetaReforma.com/
