Berisha ishte i gatshëm ta t’ia jepte Leçes rënën e plazheve shqiptare. Një marrëveshje e mbetur në tentativë në vitin 2008 përshkruhet nga gazeta britanike “The Independent”. Reportazhi botuar në vitin 2008 flet në lidhje me marrëveshjen e mundshme mes Shqipërisë dhe Italisë për marrjen e rërës nga brigjet shqiptare dhe rregullimin e plazheve të Leçes.
Fillimisht Bashkia e këtij qyteti po mundohej ta merrte rërën në Brindizi. Kur Kryetari i Bashkisë së Brindizit, Michele Errico, mësoi se Lecce ishte gati të bënte atë krim duke plaçkitur rërën e “Brindizit”, ai luajti të gjitha kartat për një kauzë që ia vlente. Qyteti hyri në fushatën e sulmit. Ambientalistët vendas organizuan një zinxhir proteste njerëzore përgjatë plazhit. Tifozët e klubit vendas të futbollit mbajtën një banderolë të gjatë gjatë ndeshjeve në shtëpi me tekstin “Duan të na zhvasin rërën”.
Adriana Poli Bortone, senatorja e Leçes kishte një kartë tjetër në mëngë. Ajo i tha një korrespondenti të gazetës “La Stampa”: “Brindisi nuk dëshiron të na japë rërën? Më fal, por ne do ta marrim nga Shqipëria”. Zonja Bortone kishte gjetur dikë përtej Adriatikut që ishte i gatshëm të luante me top. Shqipëria kishte ndihmuar Korfuzin të rehabilitonte plazhet e saj; tani Kryeministri, Sali Berisha, me të cilin Znj. Bortone mburrej se kishte një marrëdhënie të shkëlqyeshme, ishte përgatitur të bëjë në mënyrë të ngjashme për Lecce-n.
Por fatkeqësisht për Lecce-n, “virusi demokratik” ka mbërritur në Tiranë, gjithashtu. Zonja Bortone mund të ketë arritur një mirëkuptim me Z. Berisha, por ai nuk kishte arritur ta ndante atë mirëkuptim me parlamentin e tij. Rezultati: mërzitje midis deputetëve shqiptarë me nënkryetarin e socialistëve, Erion Brace, duke sulmuar ashpër z.Berisha dhe duke treguar se bregdeti shqiptar nuk ishte çifligu i tij personal.
Pas rreshtave është fakti se, kur Shqipëria i erdhi në ndihmë të Korfuzit në vitet 1990, ruajtja e mjedisit ishte temë e panjohur në Shqipëri; sot shqiptarët janë zgjuar. Dhe tani, me shpresën përfundimtare të shuar, duket se plazhi San Cataldo së shpejti do të bëj ritet e lamtumirës.
/GazetaReforma.com/
