Një tjetër i këkuar ndërkombtarisht ka rënë në prangat e policisë shqiptare. Kanë qenë specialistët për Hetimin e Narkotikëe në Drejtorinë Vendore të Policisë Lezhë, të cilët kanë bërë të mundur arrestimin e një shqiptari, i cili ishte duke u kërkuar nga shteti italian.
Tashmë është bërë i ditur edhe identiteti i personit të arrestuar dhe bëhet fjalë për Astrit Nimanin, banues në Lezhë,i cili deri në momentin e ekstradimit do të mbahet në qeli.
Nimani është shpallur në kërkim pasi është akuzuar për veprën penale Organizatë kriminale me qëllim trafik të narkotikëve”, dhe Gjykata e Milanos e ka dënuar me 13 vite heqje lirie.
Tashmë pas arrestimit materialet hetimore i kaluan Prokurorisë pranë Gjykatës së Shkallës së Parë Lezhë dhe pritet të merret vendimi për datën e ekstradimit.
